आपली माऊली शिक्षण प्रसारक मंडळ ही सेवाभावी संस्था वाडा,जव्हार,विक्रमगड,मोखाडा या अतिशय दुर्गम व डोंगराळ विभाग दऱ्याखोऱ्यातील व डोंगर माथ्यावरील आदिवासी विद्यार्थ्यांना शिक्षण मिळावे व ते स्वावलंबी व्हावेत म्हणून कृतिशील आहे. वाडा,जव्हार,विक्रमगड,मोखाडा म्हटले कि आपण नेहमीच कुपोषण भूकबळी, मातामृत्यू, बालमृत्यू, असे वृत्तपत्रात वाचत असतो. या समस्या समूळ नष्ट करण्यासाठी शिक्षणच महत्वाचे आहे. म्हणून आदिवासी मुलांसाठी आम्ही आदिवासी हायस्कूल वाळवंडा हि माध्यमिक शाळा सुरु केली आहे. ह्या शाळेत ३०० आदिवासी विद्यार्थी शिक्षण घेत आहेत. या विद्यार्थ्याना मोफत शिक्षण असून वह्या, पुस्तके, गणवेश, गाईड, कंपास, प्रयोगवह्या अशा शैक्षणिक साहित्याची शाळेस गरज असते.

तसेच आमच्या शाळेतील ५० मुला / मुलींसाठी वसतिगृहाची सोय केली आहे. तसेच शाळेतील कुठल्याही विद्यार्थ्याकडे दुपारचा जेवणाचा डबा नसतो यासाठी जेवणाची सुविधा केली आहे. यासाठी अन्नधान्य व आर्थिक सहकार्याची गरज आहे. तसेच अचानक ओढवलेल्या वैदकीय समस्ये मुले कुटुंब आर्थिक व मानसिक दृष्ट्या खचून जाऊ नये अशा कुंबीयांना वैदकीय मदत मिळवून देण्यासाठी आम्ही नेहमीच कटिबद्ध असतो. या देशसेवेत आपणही आमच्या सोबत असाल अशी आमची इच्छा आहे . आम्हास या सामाजिक कार्यासाठी आमच्या पाठीशी उभे राहणाऱ्या दानशुर व्यक्ती व संस्था ह्याचे आम्ही मनापासून ऋणी आहोत.